پاکستان تحریک انصاف کے رہنما حماد اظہر نے آئی ایم ایف کے ساتھ معاہدے پر ردعمل دیتے ہوئے کہا ہے کہ نئی منتخب حکومت کو آتے ساتھ آئی ایم ایف کے ساتھ پھر بیٹھنا ہو گا، آئی آیم ایف معاہدہ انتخابات تک معیشت کو دیوالیہ ہونے سے روک سکتا ہے لیکن معاشی چیلنجز کم نہیں ہوں گے۔
سابق وفاقی وزیر حماد اظہر نے اپنے ٹویٹر پیغام میں کہا کہ آئی ایم ایف کے ساتھ نو ماہ کا سٹینڈ بائے معاہدہ کڑی شرائط کے ساتھ ہے۔ پی ڈی ایم سے 14 ماہ میں معاملات نہیں سنبھل پائے، اب اس کی قیمت عوام مزید مہنگائی کی صورت میں ادا کرے گی۔
حماد اظہر نے دعویٰ کیا کہ یہ معاہدہ اانتخابات تک ملکی معیشت کو دیوالیہ ہونے سے روک سکتا ہے لیکن معاشی چیلنجز کم نہیں گے، نئی منتخب حکومت کو آتے ساتھ آئی ایم ایف کے ساتھ پھر بیٹھنا ہوگا۔
The 9 month stand-by agreement comes with strict conditions. Energy tariff rebasing (read major increases in electricity rates), further increase in interest rates & no interventions in currency market. The upward inflationary pressures will remain & painful slowdown lies ahead.
— Hammad Azhar (@Hammad_Azhar) June 30, 2023
پاکستان تحریک انصاف کے رہنما حماد اظہر کا کہنا تھا کہ اسٹینڈ بائی ایگریمنٹ پی ڈی ایم کے ذریعے معیشت کو پہنچنے والے وسیع نقصان کے بعد آیا ہے۔