اسلام آباد : نیشنل یونیورسٹی آف ٹیکنالوجی نے اپنا دوسرا "اوپن ہاؤس اور جاب فیئر 2023” کا انعقاد کیا گیا، جس میں گریجویٹ طلباء کو کارپوریٹ، انجینئرنگ، آئی ٹی، بینکنگ، اور ریسرچ اینڈ ڈویلپمنٹ جیسے مختلف شعبوں سے تعلق رکھنے والی 90 سرکردہ کمپنیوں کے ساتھ منسلک کیا گیا۔
منصوبہ بندی، ترقی اور خصوصی اقدامات کے وزیر جناب احسن اقبال مہمان خصوصی تھے، صنعت اور مسلح افواج کے معززین نے شرکت کی۔ تقریب میں معیشت کو مضبوط بنانے کے لیے صنعت اور اکیڈمی کے تعاون پر زور دیا گیا۔ طلباء نے کیپ اسٹون پروجیکٹس کی نمائش کی، سی ای اوز کے ساتھ بات چیت کی، اور کارپوریٹ ضروریات کے بارے میں جانکاری حاصل کی۔ اس تقریب نے انڈسٹری اور طالب علم کے درمیان بات چیت میں سہولت فراہم کی، تازہ گریجویٹس کو معروف اداروں میں پوزیشن حاصل کرنے میں مدد فراہم کی اور پاکستان کی اقتصادی ترقی میں اپنا حصہ ڈالا۔
